કોરોનાથી પીડાઈને સ્વજન ગુમાવ્યા બાદ વહેલા અંતિમસંસ્કાર કરાવવા સુરતવાસીઓ પાસે લેવાય રહી છે 2000 ની લાંચ

હાલમાં જયારે રાજ્યના સુરત શહેરમાં સતત વધતાં જતાં કોરોના સંક્રમણને લીધે મૃત્યુઆંક સતત ઊંચો થતો જઈ રહ્યો છે. સ્મશાનોમાં સતત મૃતદેહો આવ્યા છે જેને લીધે મૃતદેહોના ઢગલા જોવા મળ્યા છે. આવી કરુણાંતિકાની પરિસ્થિતિ વચ્ચે પણ લોકો નિર્દય થઇને કમાવવાનું છોડતા નથી. શહેરના અશ્વિનીકુમાર સ્મશાનમાં અંતિમક્રિયા કરવા માટે 1500થી લઈને 2,000 પડાવવામાં આવ્યો હોવાનો આરોપ છે.

કલાકો સુધી અંતિમક્રિયા માટે રાહ જોવી પડે છે:
શહેરના અશ્વિનીકુમાર, કુરુક્ષેત્ર તથા ઉમરા સ્મશાન ગૃહમાં મૃતદેહોના ઢગલા જોવા મળ્યા છે. હોસ્પિટલમાંથી મૃતદેહને સ્મશાનમાં લઈ જવામાં આવ્યા છે. એક એમ્બ્યુલન્સમાં 4 જેટલા મૃતદેહો લઈ જવામાં આવે છે. અંતિમક્રિયા કરવાં માટે મૃતકના સબંધી વેઇટિંગમાં છે. કલાકો સુધી અંતિમક્રિયા માટે રાહ જોવી પડે છે. લોકો આવી પરિસ્થિતિમાં માનસિક રીતે ત્રસ્ત થઈ ગયેલા જોવા મળ્યા છે.

પાછળના ટોકન નંબર હોય તેમને પણ પહેલાં અંતિમક્રિયા:
કલાકો સુધી રાહ જોયા પછી પણ અગ્નિદાહ ન થયો હોવાની ચોંકાવનાર ઘટના સામે આવી છે. કેટલાક ઈસમો મૃતકના સંબંધીઓ પાસેથી રૂપિયા ખંખેરી લઈને ઝડપથી અંતિમક્રિયા કરાવી આપી રહ્યા છે. જો કલાકો સુધી વેઇટિંગમાં ઊભાં રહેવું હોય તો 1,500-2,000 રૂપિયા આપવા પડશે એવી માંગણી કરવામાં આવી છે.