કેજરીવાલના આગમન પહેલા રસ્તા પર લખાયું GO BACK KEJRIWAL, જાણો કયા શહેરમાં ભાજપ આપ વચ્ચે થયું ઘર્ષણ

હાલમાં અરવિંદ કેજરીવાલ વિરુદ્ધ ગુજરાતમાં પોસ્ટર વોર ચાલી રહ્યું છે ત્યારે હવે વડોદરામાં સ્થાનિક રાજકારણમાં પોસ્ટર વોર પછી રસ્તા પરનું લખાણ ચર્ચામાં આવ્યું છે. આજે સમગ્ર રાજ્યમાં હિંદુ વિરોધી કેજરીવાલના પોસ્ટરો લાગ્યા છે. કેજરીવાલની અગાઉની મુલાકાતમાં ક્યારેય નહિ અનુભવેલા વિરોધનો આજે સામનો કરવો પડી રહ્યો છે. વડોદરા એરપોર્ટ પર અરવિંદ કેજરીવાલના આગમન પહેલા જ રસ્તા પર લખાયું કે હિંદુ વિરોધી કેજરીવાલ ગો બેક.

આજે સાંજે 4 વાગે આપ ના સંયોજક કેજરીવાલ અને પંજાબ ના મુખ્યમંત્રી જ્યારે શહેર માં રોડ શૉ કરવા જઈ રહ્યા ત્યારે આજે મધ્યમાં આવેલા સુરસાગરની આસપાસ તથા અન્યત્રે અનેક જગ્યાઓ પર કેજરીવાલના વિરોધમાં પોસ્ટરો મારવામાં આવી રહ્યા છે. તો બીજી તરફ આજે એરપોર્ટની બહાર HINDU VIRODHI KEJRIWAL GO BACK રસ્તા પર લખવામાં આવ્યું છે. જેને કારણે વિસ્તારમાં ઉત્તેજના વ્યાપી ગઇ છે.