વિદેશી યુવતીઓ સાથે મજા માણી રહ્યા હતા યુવકો- અચાનક પોલીસ ત્રાટકી ‘ને રંગમાં પડ્યો ભંગ, પછી તો જે થયું…

Sex racket busted in Goa: ગોવામાં પોલીસે આંતરરાષ્ટ્રીય સેક્સ રેકેટનો પર્દાફાશ કર્યો છે. એક સ્વૈચ્છિક સંસ્થા પાસેથી માહિતી મળ્યા બાદ પોલીસે કેન્યાની યુવતીઓને મુક્ત કરી હતી. પોલીસનું કહેવું છે કે, છોકરીઓને કેન્યાથી મસાજ પાર્લર અને હોટલમાં કામ કરાવવાના નામે લાવવામાં આવતી હતી. તેને અહીં લાવ્યા બાદ તેના દસ્તાવેજો લઈ લેવામાં આવ્યા હતા. પીડિત યુવતીઓની પૂછપરછ કરવામાં આવી રહી છે.

નોર્થ ગોવાના એસપી નિધિન વાલ્સને જણાવ્યું કે, કેન્યાની બે મહિલાઓ ગોવામાં કેટલાક એજન્ટોની મદદથી ત્યાંથી છોકરીઓને વેશ્યાવૃત્તિ માટે ભારતમાં લાવી હતી. યુવતીઓને ગોવામાં મસાજ પાર્લરો અને હોટલ ઉદ્યોગમાં કામ કરવાની લાલચ આપવામાં આવી હતી. અહીં લાવવામાં આવ્યા બાદ તેમના પાસપોર્ટ અને વિઝા જપ્ત કરી લેવામાં આવ્યા હતા અને તેમને દેહવ્યાપારમાં ધકેલવામાં આવ્યા હતા.

પોલીસના જણાવ્યા અનુસાર, એનજીઓ આરઝને માહિતી મળી હતી કે કેન્યાની કેટલીક છોકરીઓને ગોવામાં લાવવામાં આવી છે અને કેટલાક લોકો તેમને વેશ્યાવૃત્તિ માટે બેંગલુરુ લઈ જઈ રહ્યા છે. આ પછી એનજીઓએ છોકરીઓની શોધ કરી અને ગોવા પોલીસને જાણ કરી.

ઉત્તર ગોવાના SPએ આ મામલે શું કહ્યું?
ઉત્તર ગોવાના એસપી નિધિન વાલ્સને જણાવ્યું હતું કે, એસડીપીઓ જીવાબા દલવી, અંજુના પોલીસ સ્ટેશનના ઈન્સ્પેક્ટર પ્રશાલ દેસાઈએ દરોડો પાડ્યો હતો અને કેન્યાની છોકરીઓને બચાવી હતી. હવે તેમને તેમના દેશમાં મોકલવા માટે જરૂરી ઔપચારિકતાઓ કરવામાં આવી રહી છે. પોલીસ આ રેકેટની સઘન તપાસ કરી રહી છે.