15 હજાર માટે હોસ્પિટલે 75 દિવસ સુધી ન આપ્યું કોરોનાથી મૃત પામેલ વ્યક્તિનું શવ- જાણો કયાની છે આ ચકચારી ઘટના

ઉત્તર પ્રદેશ: હાલમાં ઉત્તરપ્રદેશમાંથી એક ખુબ જ ચકચારી ઘટના બનવા પામી છે. ઉત્તરપ્રદેશના હાપુડમાં કોરોના વાયરસનો કેર હજુ પણ જોવા મળી રહ્યો છે. જ્યાં 15 હજાર રૂપિયા ન હોવા પર કોરોના પોઝિટિવ વ્યક્તિનું શવ લગભગ અઢી મહિના સુધી પરિજનોને આપવામાં ન આવ્યું હોવાનું સામે આવ્યું છે. જાણવા મળ્યું છે કે, મૃતક યુવક એપ્રિલ મહિનામાં કોરોના પોઝિટિવ થયો હતો. જેની સારવાર દરમિયાન તેને મેરઠ રીફર કરવામાં આવ્યો હતો. મેરઠમાં સારવાર દરમિયાન વ્યક્તિનું મોત નીપજ્યું ગયું.

આ દરમિયાન વ્યક્તિની પત્નીને હોસ્પિટલના ડૉક્ટરો દ્વારા કહેવામાં આવ્યું કે, અંતિમ સંસ્કાર માટે શવ આપવા માટે 15000 રૂપિયા લાગશે. ત્યારે જ શવ આપવામાં આવશે નહીંતર અમે લોકો અંતિમ સંસ્કાર કરી લેશું. ત્યારબાદ પત્ની પૈસાની વ્યવસ્થા કરવા હાપુડ ગઇ પણ શવ માટે 15 હજાર રૂપિયાની વ્યવસ્થા કરી શકી નહીં. સાથે તે હોસ્પિટલ દ્વારા અંતિમ સંસ્કાર કરવાની વાત વિચારી શવ લેવા ગઇ નહીં અને હાપુડથી પોતાના બે બાળકોને લઇ ગામ જતી રહી.

હાલ લગભગ અઢી મહિના પછી હોસ્પિટલને શવની ભાળ આવી. હોસ્પિટલ દ્વારા શવને પરિવારજનોની રાહમાં રાખવામાં આવ્યું હતું. જ્યારે 75 દિવસ પછી પણ કોઇ શવ લેવા આવ્યું નહીં તો મેરઠ હોસ્પિટલ દ્વારા શવને હાપુડ સ્વાસ્થ્ય વિભાગને સોંપી દેવામાં આવ્યું હતું. હાપુડ સ્વાસ્થ્ય વિભાગે 3 દિવસ પહેલા શવને જીએસ મેડિકલ કોલેજમાં રાખ્યું હોવાનું સામે આવ્યું છે. ત્યારબાદ પ્રશાસનની મદદથી પરિજનોને શોધવા લાગ્યા.