સાંબેલધાર વરસાદથી ગુજરાત થયું પાણી-પાણી, છેલ્લા 24 કલાકમાં 189 તાલુકામાં ભારે વરસાદ -જાણો ક્યાં કેટલો વરસાદ?

Heavy rain in Gujarat: હાલ ગુજરાત રાજ્યમાં અષાઢ બરાબરનો જામ્યો છે. હવામાન વિભાગ દ્વારા કરેલી આગાહી અનુસાર ગાલ સમગ્ર રાજ્યમાં મેઘરાજા ધમાકેદાર બેટિંગ કરી રહ્યા છે. ખાસ કરીને સૌરાષ્ટ્ર-કચ્છમાં મેહુલિયાએ ખુબજ હેત વરસાવ્યું છે. સૌરાષ્ટ્રમાં મેઘરાજાએ કૃપા વરસાવતા ધરતી પુત્રો ખુશખુશાલ થઈ ગયા છે. ગુજરાત રાજ્યના મોટાભાગના વિસ્તારોમાં વરસાદ પડી રહ્યો છે.

વરસાદને પગલે રાજ્યના 207 મોટા જળાશયો પૈકી સૌથી મોટા જળાશય સરદાર સરોવર માં હાલ 52.49 % એટલે કે 4965.10 મિલિયન ઘનમીટર પાણીનો સંગ્રહ થઈ ગયો છે. ત્યારે કચ્છના ચાર અને જામગનરના ત્રણ જળાશયો 90% ભરાતા તેને હાઈ એલર્ટ પર મુકવામાં આવ્યા છે. પ્રાપ્ત માહિતી અનુસાર છેલ્લા 24 કલાકમાં ગુજરાત રાજ્યમાં 189 તાલુકાઓમાં વરસાદ નોંધાયો છે. તેમાં વિસાવદરમાં મેઘરાજાએ ધડબડાટી બોલાવી છે.

મળેલી માહિતી અનુસાર, સૌથી વધારે વરસાદ જૂનાગઢના વિસાવદરમાં નોંધાયો છે, છેલ્લા 24 કલાકમાં વિસાવદરમાં 15 ઈંચ વરસાદ નોંધાયો છે. ત્યારે જામનગરમાં ઈંચ વરસાદ, અંજારમાં 9.5 ઈંચ વરસાદ, કપરાડામાં 9.5 ઈંચ વરસાદ, ખેરગામમાં સવા 8 ઈંચ વરસાદ, ભેસાણમાં 8 ઈંચ વરસાદ, બગસરામાં પોણા 8 ઈંચ વરસાદ, ધરમપુરમાં સવા 6 ઈંચ વરસાદ, વઘઈમાં સવા 6 ઈંચ વરસાદ, ડાંગમાં 6 ઈંચ વરસાદ, ચીખલીમાં પોણા 6 ઈંચ વરસાદ, વાંસદામાં પોણા 6 ઈંચ વરસાદ, જામકંડોરણામાં પોણા 6 ઈંચ વરસાદ, બરવાળામાં પોણા 6 ઈંચ વરસાદ, રાજુલામાં 5.5 ઈંચ વરસાદ, વંથલીમાં 5.5 ઈંચ વરસાદ, વલસાડમાં સવા 5 ઈંચ વરસાદ, જૂનાગઢમાં 5 ઈંચ વરસાદ, વ્યારામાં પોણા 5 ઈંચ વરસાદ, બારડોલીમાં પોણા 5 ઈંચ વરસાદ અને ગાંધીધામમાં પોણા 5 ઈંચ વરસાદ નોંધાયો છે.