November 17, 2024
કેટલાય વર્ષોથી સુરત તેની પ્રથમ ઇન્ટરનેશનલ મેચ માટે તરસી રહ્યુ હતું. વર્ષોની તપસ્યા અને મહેનતના પરિણામ સ્વરૃપે આખરે સુરતને ઇન્ટરનેશનલ મેચ મળી છે. ભારત અને આફ્રિકાની વિમેન્સ ટીમ વચ્ચે પાંચ ટી-૨૦ની શૃંખલા લાલભાઇ કોન્ટ્રાક્ટર સ્ટેડિયમમાં રમાશે. તા-૨૪મીએ પ્રથમ મેચ રમાશે. ભારતીય ટીમ તા-૨૧મી સપ્ટેમ્બરે સુરત આવશે. આફ્રિકાની ટીમ સુરત પહોંચી ગઇ છે જે પ્રથમ મેચ અગાઉ બે પ્રેકટિસ મેચ રમશે.
સુરત ડિસ્ટ્રીક્ટ ક્રિક્રેટ એસોસીએશનનાં કનૈયાભાઇ કોન્ટ્રાક્ટર અને ડૉ. નૈનેષ દેસાઇએ કહ્યુ કે ખુબ આનંદની લાગણી છે કે સુરતને ઇન્ટરનેશનલ મેચ મળી છે. બીસીસીઆઇ તેમજ ગુજરાત ક્રિક્રેટ એસોસીએશનના નેજા હેઠળ સુરતના લાલભાઇ કોન્ટ્રાક્ટર સ્ટેડિયમ ખાતે ભારત વિરૃદ્ધ દક્ષિણ આફ્રિકાની મહિલા ટીમ વચ્ચે પાંચ પેટીએમ ટી-૨૦ શ્રેણી રમાશે. ભારતીય ટીમ તા-૨૧મી સપ્ટેમ્બરે સુરત આવશે. જ્યારે દક્ષિણ આફ્રિકા તથા બોર્ડ પ્રેસીડન્ટ ઇલેવન ટીમનું આગમન થઇ ચુક્યુ છે. આ બંને વચ્ચે તા-૨૦ અને ૨૨મી સપ્ટેમ્બરે પ્રેકટિસ મેચ સવારે ૧૧ વાગ્યે રમાશે. સુરતમાં પ્રથમ ઇન્ટરનેશનલ મેચને લઇને તડામારા તૈયારીઓ કરી દેવાઇ છે.
Trending News
સ્ટેડિયમને નવા રંગ રૃપ, ડ્રેસિંગ રૃમ્સની સજાવટ, સાઇડ સ્ક્રીન વગેરે ટેકનીકલી તમામ તૈયારીઓને આખરી ઓપ અપાઇ રહ્યો છે. શ્રેણીની પ્રથમ મેચ તા-૨૪મી સપ્ટેમ્બરે સાંજે ૭ વાગ્યા શરૃ થશે. ત્યારબાદ ૨૬મી સપ્ટેમ્બર, ૨૯મી સપ્ટેમ્બર, ૧લી ઓક્ટોબર, અને ૪થી ઓક્ટોબરે મેચ રમાશે. આ તમામ મેચ ડે-નાઇટ રહેશે. મેચનો આરંભ સાંજે ૭ વાગ્યાથી થશે. ક્રિક્રેટપ્રેમીઓ વિનામૂલ્યે મેચ નિહાળવા આવી શકશે. સ્ટાર સ્પોર્ટસ અને ઓલ ઇન્ડિયા રેડિયો પર મેચનું જીવંત પ્રસારણ બતાવવામાં આવશે.
આ છે, ભારતીય ટીમ
ભારતીય ટીમમાં હરમનપ્રીત કૌર(કેપ્ટન), સ્મૃતિ મંધાના(વા.કે.), જેમિમા રાડ્રીગેજ, દીપ્તી શર્મા, તાન્યા ભાટીયા(વિકેટકીપર), પૂનમ યાદવ, શિખા પાંડે, અરૃંધતિ રેડ્ડી, પૂજા વસ્ત્રાકર, રાધા યાદવ, વેદા કૃષ્ણમૂર્તિ, હરલીન દેઓલ, અનુજા પાટિલ, શેફાલી વર્મા અને માનસી જોશીનો સમાવેશ થાય છે. આફ્રિકાની ટીમની સુકાની સુને લુસ છે. જ્યારે બોર્ડ પ્રેસિડન્ટ ઇલેવનની સુકાની સુષ્મા વર્મા છે.
૧૫ વર્ષીય શેફાલી વર્માની સુરતમાં થઇ શકે છે ડેબ્યુ મેચ
જેની બેટિંગની તુલના સચિન તેંડુલકર સાથે થાય છે એ હરીયાણાની ૧૫ વર્ષીય શેફાલી વર્માની ભારતીય મહીલા ટી-૨૦ ટીમમાં પસદંગી થઇ છે. સુરતમાં શેફાલિની પ્રથમ ઇન્ટરનેશનલ ડેબ્યૂ થઇ શકે છે. શેફાલી સચિન તેંડુલકરને પોતાનો આદર્શ માને છે. રાઇટ હેન્ડ બેટ્સમેન અને રાઇટ હાથથી ઓફ સ્પિન બોલિંગ કરતી શેફાલીએ ઘરઆંગણાની ટી-૨૦ મેચમાં હરિયાણા તરફથી નાગાલેન્ડ સામે ઝંઝાવાતી બેટિંગ કરીને માત્ર ૫૬ બોલમાં ૧૨૮ રન ફટકાર્યા હતાં. તેની ટી-૨૦ સ્ટાઇલની બેટિંગથી જ તેની પસંદગી થઇ છે. સુરતનું ઇન્ટરનેશન મેચમા ડેબ્યૂ સાથે શેફાલીનું ઇન્ટરનેશનલ ડેબ્યૂ માણવુ રસપ્રદ રહેશે.
પાંચ ટી-૨૦ મેચનો કાર્યક્રમ
પ્રથમ મેચ -તા-૨૪મી સપ્ટેમ્બર
બીજી મેચ- તા-૨૬મી સપ્ટેમ્બર
ત્રીજી મેચ- તા-૨૯મી સપ્ટેમ્બર
ચોથી મેચ- તા- ૧લી ઓક્ટોબર
પાંચમી મેચ- તા- ૪થી ઓક્ટોબર
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
તમે અમને Whatsapp, Facebook, Twitter, Instagramઅને YouTube પર પણ લાઇક અને ફોલો કરી શકો છો.