સુરતની કતારગામ પોલીસ હવે સુરક્ષાની સાથે સાથે રક્તદાન પણ કરશે- જાણો કોણે કરી અનોખી પહેલ

હાલમાં કોરોનાની વેશ્વિક મહામારી ચાલી રહી છે. આની સાથે જ રાજ્યમાં આવેલ સુરત શહેરમાંથી એક સમાચાર સામે આવી રહ્યાં છે. આ મહામારીનો શિકાર લાખો લોકો બની ચુક્યા છે. રાજ્યમાં પણ કોરોનાનો કહેર સતત વધતો જ જાય છે.

ગત રોજ 4 ઓક્ટોબરનાં રોજ સાંજનાં 5 થી 7 વાગ્યાં દરમિયાન કતારગામ પોલીસ સ્ટેશન વિસ્તારનાં FOP – પોલીસ મિત્રોની મિટિંગનુ આયોજન કતારગામ પોલીસ સ્ટેશન ખાતે કરવામાં આવેલ હતું. આ મિટિંગમા ગુજરાત સરકારની વિવિધ યોજનાઓ, ભવિષ્યમાં આવનાર સરકારી નોકરીની તૈયારી અંગે, સામાન્ય કાયદા-કાનૂન અંગે, આર્થિક તથા સામાજીક બાબતો પર જાણકારી આપવામાં આવી હતી.

આ મિટિંગમાં મહિલા સમિતિ તથા FOPના સભ્યોએ મોટી સંખ્યામાં હાજરી આપેલ હતી. નવ્યા એજ્યુકેશન ચેરીટેબલ ટ્રસ્ટ ટીમ દ્વારા આ વિવિધ યોજનાઓની ઉપરાંત મેયર ફંડ, મુખ્યમંત્રી ફંડ વિશે જરુરી જાણકારી આપવામાં આવી હતી.

આની સાથે જ કતારગામ પોલીસ સ્ટેશન FOP ટીમ દ્વારા ગઈકાલ એટલે કે 18 ઓક્ટોબરનાં રોજ એટલે કે, રવિવારના રોજ એક રક્તદાન શિબિરનું આયોજન કરવામાં આવેલ છે. કોરોના મહામારીને ધ્યાનમાં લઈ સુરતની જાહેર જનતાને આ રક્તદાન શિબિરમાં બહોળી સંખ્યામાં ભાગ લેવા માટે હાર્દિક નિમંત્રણ આપ્યું હતું.