November 02, 2024
બાંગ્લાદેશ(Bangladesh) પ્રવાસ માટે ભારતની ODI ટીમ (ODI team)માં સામેલ કરવામાં આવેલ મોહમ્મદ શમી(Mohammed Shami) ઈજાના કારણે શ્રેણીમાંથી બહાર થઈ ગયો છે. આ માહિતી સામે આવ્યા બાદ શમીએ પોતે તસવીરો પોસ્ટ કરીને પોતાની ઈજા વિશે જણાવ્યું હતું. તેમની આ પોસ્ટ સોશિયલ મીડિયા(Social media) પર ખૂબ વાયરલ થઈ રહી છે.
વાસ્તવમાં, Mohammed Shami ને હાથની ઈજા થઈ છે અને તેના કારણે તે વનડે શ્રેણીમાં રમી શકશે નહીં. ભારતીય ટીમમાં મોહમ્મદ શમીના સ્થાને યુવા ઝડપી બોલર ઉમરાન મલિકનો સમાવેશ કરવામાં આવ્યો છે. ઉમરાને તાજેતરમાં જ ન્યૂઝીલેન્ડ શ્રેણીમાં વનડેમાં ડેબ્યૂ કર્યું હતું.
View this post on Instagram
Trending News
આ દરમિયાન Mohammed Shami એ તેના ઓફિશિયલ ઈન્સ્ટાગ્રામ એકાઉન્ટ પર કેટલીક તસવીરો શેર કરી છે. આ તસવીરોમાં તે મેડિકલ ટીમ સાથે જોઈ શકાય છે. ત્યાં તેના હાથની સારવાર કરવામાં આવી રહી છે. આ તસવીરોની સાથે તેણે એક કેપ્શન પણ લખ્યું છે જેમાં તેણે પોતાની ઈજા વિશે જણાવ્યું છે અને પોતાના દિલની વાત પણ કરી છે અને કહ્યું છે કે તે મજબૂત રીતે પાછો આવશે.
તેઓએ લખ્યું –
ઈજા, સામાન્ય રીતે, તમને દરેક ક્ષણની પ્રશંસા કરવાનું શીખવે છે. મારી કારકિર્દી દરમિયાન મને ઘણી ઈજાઓ થઈ છે. તે તમને પરિપ્રેક્ષ્ય આપે છે. મને કેટલી વાર ઈજા થાય છે તેનાથી કોઈ ફરક પડતો નથી, હું તે ઈજામાંથી શીખું છું અને મજબૂત રીતે પાછો આવું છું. તમારા પ્રેમ અને સમર્થન બદલ આભાર.
તમને જણાવી દઈએ કે, મોહમ્મદ શમીએ તેની છેલ્લી મેચ T20 વર્લ્ડ કપની સેમીફાઈનલમાં રમી હતી. ત્યારબાદ તેને ન્યુઝીલેન્ડ પ્રવાસમાંથી આરામ આપવામાં આવ્યો હતો. આ પછી, તે આ પ્રવાસ પહેલા જ ઈજાગ્રસ્ત થઈ ચૂક્યો છે. બીસીસીઆઈએ ટ્વીટ કરીને આ અંગેની માહિતી આપી છે.
બીસીસીઆઈએ આ અંગે પોતાના નિવેદનમાં કહ્યું કે ઝડપી બોલર Mohammed Shami ને ખભામાં ઈજા થઈ છે. તે હાલમાં બેંગલુરુમાં બીસીસીઆઈની મેડિકલ ટીમના નિરીક્ષણ હેઠળ છે, સાથે જ ડોકટરે આરામ કરવાનું સુચન આપ્યું છે. બાંગ્લાદેશ સામેની ત્રણ મેચની વન-ડે સિરીઝમાં ભાગ લેશે નહીં. તેમના સ્થાને ઉમરાન મલિકનો સમાવેશ કરવામાં આવ્યો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.