નવા એરપોર્ટની જમીન માપવા ગયેલા એન્જિનિયરનું ડૂબી જતા મોત- પરિવારે એકનો એક ‘કુળદિપક’ ગુમાવ્યો

મોરબી(ગુજરાત): હાલમાં મોરબી(morbi)નાં રાજપર(rajpar)માં એક ચકચારી ઘટના બનવા પામી છે. જેમાં રાજપર નજીક નવા બની રહેલા એરપોર્ટ (Morbi Rajpar New Airport) પાસે એક કરૂણ ઘટના ઘટી છે. આ ઘટનામાં એક આશાસ્પદ એન્જિનિયર યુવકનું (Engineer Drowned in Lake) અકાળે મોત થયું છે. નવા બની રહેલા એરોપોર્ટની જમીન માપણી કરવા આવેલ યુવક એકાએક ગુમ થઈ ગયો હતો.

જાણવા મળ્યું છે કે, આ યુવક તળાવમાં ડૂબ્યો હોવાની પોલીસને આશંકા હતી જેને લઈને રાત્રીના મોરબી તાલુકા પોલીસ ડીવાયએસપી સહિતનો કાફલો ઘટના સ્થળે પહોંચી તરવૈયાઓ અને રાજપર ગ્રામજનોની મદદથી યુવકને શોધવા કવાયત હાથ ધરવામાં આવી હતી. જેમાં આજે સવારે 10 વાગ્યાનાં અરસામાં એન્જીનિયર યુવકનો મૃતદેહ રાજપરના તળાવમાંથી મળી આવ્યો હતો. આ ઘટનામાં એક પરિવારે તેનો વ્હાલસોયો ગુમાવ્યો છે. જેમાં 14 કલાકની ભારે મહેનત બાદ મૃતદેહ મળતા મૃતદેહને પોસ્ટમોર્ટમ માટે ખસેડવામાં આવ્યો છે.

મળતી માહિતી મુજબ, ઉદ્યોગનગરી મોરબીમાં રાજપર નજીક એક નવું એરપોર્ટ બની રહ્યું છે. આ એરપોર્ટની જમીન માપણીનું કામ ચાલી રહ્યું છે. જેથી ત્યાં જમીન માપણી થઈ રહી છે. જાણવા મળ્યું છે કે, જમીનની માપણી માટે એન્જિનિયર ઉત્તમ કુલતરિયા આવ્યો હતો. જોકે, એકાએક આ યુવક ગુમ થઈ જતા તેના પરિવાર સહિતના લોકો ચિંતામાં મૂકાઈ ગયા હતા.

આ દરમિયાન, એન્જિનિયર ઉત્તમ સૂચિત એરપોર્ટ નજીક તળાવમાં ડૂબ્યો હોવાની પોલીસને આશંકા ગઈ હતી. ત્યારે મોરબી તાલુકા પોલીસ દ્વારા આ તળાવમાં જ ફોકસ કરી અને સ્થાનિક ગ્રામજનોની મદદથી તેની શોધખોળ શરૂ કરવામાં આવી હતી. લાગલગાટ 14 કલાકની શોધખોળના અંતે રાજપર તળાવમાંથી ઉત્તમ કુલતરિયાનો મૃતદેહ મળી આવ્યો હતો.