સુરત પોલીસનું સરપ્રાઇઝ રાત્રી ચેકિંગ: ઘાતકી હથિયાર અને 132 વાહનો સાથે 9 આરોપીઓની કરી ઘરપકડ

સુરત(ગુજરાત): તાજેતરમાં સુરત(Surat) શહેરમાં ગુનાખોરીને ડામવા પાંડેસરા પોલીસ(Pandesara Police) દ્વારા મોડીરાત્રે સરપ્રાઇઝ ચેકિંગ(Surprise checking) હાથ ધરવામાં આવ્યું હતું. જેમાં એન્ટ્રી અને એકઝીટ પોઇન્ટો(Entry exit points) પર નાકાબંધી કરવામાં આવી હતી. જાણવા મળ્યું છે કે, પોલીસ દ્વારા 725 વાહનોનું ચેકિંગ કરવામાં આવ્યું હતું.

મળતી માહિતી મુજબ, આ કામગીરીમાં 3 પોલીસ અધિકારીની સાથે પોલીસની 10 ટીમો હતી. આ સરપ્રાઇઝ ચેકિંગમાં પોલીસ દ્વારા રેમ્બો, છરા, ચપ્પુ અને લાકડાના ફટકા રાખીને ફરતા 9 બદમાશોને ઝડપી પાડવામાં આવ્યા હતા. તેમજ નંબર પ્લેટ વગરના અને ફોલ્ટ નંબરવાળા 132 વાહનો પણ જપ્ત કરવામાં આવ્યા હોવામું સામે આવ્યું છે.