પીએમ મોદીએ કહ્યું: જ્યારે હું નાનો હતો ત્યારે ચોરી કરતો હતો, તે સમયે જો મારી માતાએ અટકાવ્યો હોત તો હું લૂંટારૂ ન બન્યો હોત- જુઓ વિડીયો

વડા પ્રધાન નરેન્દ્ર મોદીની વીડિયો ક્લિપ સોશિયલ મીડિયા પર વાયરલ થઈ રહી છે. વીડિયોમાં પીએમ મોદી લોકો સાથે વાત કરી રહ્યા છે, “જ્યારે હું નાનો હતો ત્યારે ચોરી કરતો હતો, તે સમયે જો મારી માતાએ અટકાવ્યો હોત તો હું લૂંટારૂ ન બન્યો હોત”

હકીકતમાં આ વિડીયો પાછળ સત્યતા કઈક અલગ જ છે. વાયરલ વિડિઓની સત્યતા જાણવા માટે, અમે ગૂગલ પર વિડિઓના કી-ફ્રેમ્સની વિરુદ્ધ શોધ કરી. શોધ દરમ્યાન અમને ભાજપ પશ્ચિમ બંગાળની યુટ્યુબ ચેનલ પર આને લગતી સંપૂર્ણ માહિતી મળી છે.

ચેનલ અનુસાર, આ વીડિયો પશ્ચિમ બંગાળના સિલિગુરીનો છે. જ્યાં 10 એપ્રિલ 2021 ના ​​રોજ વડા પ્રધાન નરેન્દ્ર મોદીએ ચૂંટણી સભામાં લોકોને સંબોધન કર્યું હતું.

जब मैं छोटी चोरी करता था। उस दिन मेरी माँ ने रोका होता तो मैं आज इतना बड़ा लुटेरा नहीं बना होता#जुमला_नहीं_MSP_कानून_दो #जुमला_नहीं_MSP_कानून_दो pic.twitter.com/5aniXmEinc

— कैलाश नाथ यादव (@kailashnathsp) June 17, 2021

આ વીડિયોમાં 59 મિનિટ 2 સેકન્ડનો છે. જેમાં પીએમ મોદીએ મમતા બેનર્જી પર નિશાન સાધ્યું અને કહ્યું કે, સિલિગુડીમાં, દીદીએ કહ્યું કે તેમનો તોલાબાઝ ફક્ત 100, 200, 500 રૂપિયા લે છે. મોટી વાત શું છે?

વીડિયોમાં આગળ પીએમ મોદીએ કહ્યું કે, જ્યારે અમે નાના હતા, ત્યારે અમે એક વાર્તા સાંભળી હતી. તે વાર્તામાં એક ખૂબ મોટો લૂંટારો હતો, તેને મૃત્યુદંડની સજા આપવામાં આવી હતી. જ્યારે તેને સજા આપવામાં આવી ત્યારે તેને પૂછ્યું કે, તમારી છેલ્લી ઇચ્છા શું છે? તેણે કહ્યું કે, તે તેની માતાને મળવા માંગે છે. જ્યારે તે તેની માતાને મળ્યો, ત્યારે તેણે તલવાર વડે માતાનું નાક કાપી નાખ્યું.

ત્યાર બાદ લોકોએ તેને પૂછ્યું તમે આવું કેમ કર્યું? ત્યારે તેણે કહ્યું કે, “જ્યારે હું નાનો હતો ત્યારે ચોરી કરતો હતો, તે સમયે જો મારી માતાએ અટકાવ્યો હોત તો હું લૂંટારૂ ન બન્યો હોત.” આ રીતે મોદીએ વાર્તા દ્વારા આ વાત જણાવી હતી. તપાસથી સ્પષ્ટ થયું છે કે સોશ્યલ મીડિયા પર વાયરલ થયેલા વીડિયો સાથે કરવામાં આવતા દાવા ખોટા છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.