October 18, 2024
ગુજરાત(Gujarat): યુપી સહિત 4 રાજ્યોમાં વિધાનસભા ચૂંટણી જીત્યા બાદ ભાજપ ગુજરાતમાં નવો રાજકીય પ્રયોગ કરવા જઈ રહી છે. રાજ્યમાં આગામી વિધાનસભા ચૂંટણી(Gujarat Assembly Election)માં વર્તમાન 59 ધારાસભ્યોના નામ પર રોક લાગી શકે છે. પાર્ટીએ રાજ્યમાં નવા ચહેરાઓને મેદાનમાં ઉતારવાની રણનીતિ તૈયાર કરી છે. રૂપાણી સરકાર(Rupani Government)ના રાજીનામા બાદ જે રીતે નવા મંત્રીમંડળમાં તમામ નવા ચહેરાઓને સ્થાન આપવામાં આવ્યું હતું તે જ પેટર્ન પર આગામી ચૂંટણીમાં ભાજપ(BJP)માં મોટાભાગના નવા ચહેરાઓને સ્થાન આપવામાં આવશે.
ઉલ્લેખનીય છે કે, નવા ચહેરા તરીકે ભાજપ એવા લોકોને લાવશે જેઓ વર્ષોથી સંગઠનમાં છે કે જેમણે અગાઉ વિધાનસભાની ચૂંટણી લડી નથી. સૂત્રોના જણાવ્યા અનુસાર આગામી ચૂંટણીમાં વય મર્યાદા 65 વર્ષ નક્કી કરવામાં આવી શકે છે. આ ઉપરાંત, પાર્ટી હવે કોઈપણ નેતા અથવા વર્તમાન ધારાસભ્યને ટિકિટ આપશે નહીં જે અગાઉ ત્રણ કે ચાર વખત ચૂંટણી લડી ચૂક્યા છે. ચોક્કસપણે કેટલીક બેઠકોમાં સ્થાનિક સમીકરણો અને જ્ઞાતિ-જાતિની ત્રિરાશીના આધારે નિર્ણયો લેવામાં આવશે જે એક અપવાદરૂપ કેસ હશે.
ભાજપના રાષ્ટ્રીય સંગઠન મહામંત્રી બીએલ સંતોષ હાલમાં ગુજરાતમાં છે અને ઘણા મોટા નેતાઓને મળી રહ્યા છે જેમના નામ આગામી સમયમાં કપાવવાના છે. વિજય રૂપાણી સરકારના રાજીનામાના એક દિવસ પહેલા સંતોષ ગુજરાત પહોંચી ગયા હતાઅને પાર્ટીના વરિષ્ઠ નેતાઓને મળ્યા હતા.
Trending News
આગામી ચૂંટણીમાં આ નામો પર લાગી શકે છે કાતર:
જોવામાં આવે તો આગામી વિધાનસભા ચુંટણીમાં વિજય રૂપાણી, નીતિન પટેલ, ભૂપેન્દ્રસિંહ ચૂડાસમા, પ્રદીપસિંહ જાડેજા, આર સી ફળદુ, કૌશિક પટેલ, સૌરભ પટેલ, દિલીપ ઠાકોર, ગણપત વસાવા, કુંવરજી બાવળિયા, પુરુષોત્તમ સોલંકી, ઇશ્વરસિંહ પટેલ, કનુ દેસાઈ, કિરીટસિંહ રાણા, રાઘવજી પટેલ, ગજેન્દ્રસિંહ પરમાર, નીમાબેન આચાર્ય, પંકજ દેસાઇ, જેઠા ભરવાડ, આર. સી. પટેલ, આત્મારામ પરમાર, બાબુ બોખીરિયા, યોગેશ પટેલ, જયદ્રથસિંહ પરમાર, વાસણ આહીર, વિભાવરી દવે,
વલ્લભ કાકડિયા, કિશોર કાનાણી, બચુ ખાબડ, રમણલાલ પાટકર, અરુણસિંહ રાણા, બાબુ જમનાદાસ પટેલ, જિતુ સુખડિયા, મધુ શ્રીવાસ્તવ, જિતુ ચૌધરી, કિશોર ચૌહાણ, કાંતિ બલર, પીયૂષ દેસાઇ, મોહન ઢોડિયા, ગીતાબા જાડેજા, કેશુ નાકરાણી, અરવિંદ પટેલ, ધનજી પટેલ, ગોવિંદ પટેલ, સુરેશ પટેલ, વિવેક પટેલ, સી કે રાઉલજી, પુરુષોત્તમ સાબરિયા, રાકેશ શાહ, કરસન સોલંકી, કેસરીસિંહ સોલંકી, અભેસિંહ તડવી, શંભુજી ઠાકોર, બલરામ થાવાણી, વી ડી ઝાલાવાડિયા, કાંતિ બલર, સુમન ચૌહાણ, વિજય પટેલ અને ગોવિંદ પરમાર એમ કુલ 59 જેટલા ધારાસભ્યોના નામ કપાઈ શકે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.