November 28, 2024
પંજાબ(Punjab)ની આમ આદમી પાર્ટી(Aam Aadmi Party)ની ભગવંત માન(Bhagwant Mann) સરકારે રાજ્યના લોકોને 300 યુનિટ મફત વીજળી આપવાનું વચન પૂરું કરવાની જાહેરાત કરી છે. રાજ્ય સરકારના નિર્ણય અનુસાર 1 જુલાઈ, 2022થી રાજ્યના લોકોને 300 યુનિટ મફત વીજળી મળશે. પંજાબમાં સરકારના કાર્યકાળનો એક મહિનો પૂરો થવા પર AAP સરકારે અખબારોમાં જાહેરાતો આપી છે, જેમાં કહેવામાં આવ્યું છે કે મફત વીજળીનો લાભ 1 જુલાઈથી શરૂ કરવામાં આવશે. તેની ઔપચારિક જાહેરાત આજે મુખ્યમંત્રી ભગવંત માન કરી શકે છે. જૂન 2021 માં, પંજાબના મતદારો માટે દિલ્હીના મુખ્ય પ્રધાન અરવિંદ કેજરીવાલ(Arvind Kejriwal)ની પ્રથમ ગેરંટી 300 યુનિટ મફત વીજળી હતી. આ વચન નવી દિલ્હીમાં તેમની સરકાર દ્વારા લાગુ કરવામાં આવેલા વચન જેવું જ હતું.
અગાઉ પંજાબના ગ્રાહકોને દેશમાં સૌથી મોંઘી વીજળી મળતી હતી. પંજાબ સરકાર આ લાભને રજૂ કરવા માટે દિલ્હી પેટર્નને અનુસરવાની યોજના ધરાવે છે, જેના હેઠળ દર મહિને 300 યુનિટ સુધીનો વપરાશ મફત હશે. 300 યૂનિટથી વધુ વીજળીનો વપરાશ કરનારાઓએ ચૂકવણી કરવી પડશે. પાવર કોર્પોરેશન લિમિટેડ (PSPCL)ના અધિકારીઓએ સરકારને સલાહ આપી છે કે વીજળી મુક્ત કરવાના વચનને ઉનાળાની ઋતુમાં લાગુ કરવાને બદલે ચોમાસામાં લાગુ કરવામાં આવે. કોલસાની અછતને કારણે પંજાબમાં વીજળીનું સંકટ ગમે ત્યારે ઘેરું બની શકે છે.
AAP સૂત્રોએ, જો કે, સંકેત આપ્યો કે પાર્ટી મફત વીજળીનું વચન આપ્યું છે તેથી તે પાછા હટવાના નથી અને તે 73.39 લાખ ગ્રાહકોને પ્રદાન કરવા માંગે છે. જણાવી દઈએ કે પંજાબ પર 3 લાખ કરોડ રૂપિયાની લોન બાકી છે. ઘરેલું વપરાશ માટે મફત વીજળીનો અર્થ રૂ. 5,000 કરોડનો વધારાનો બોજ પડશે. તે હાલમાં પંજાબના કૃષિ પરિવારોને મફત વીજળી પૂરી પાડે છે અને તમામ અનુસૂચિત જાતિઓ, પછાત જાતિઓ અને ગરીબી રેખા નીચે (બીપીએલ) પરિવારો (2016 માં શરૂ કરાયેલ એક યોજના) માટે 200 યુનિટ મફતમાં ઉપલબ્ધ છે.
Trending News
નાણાકીય વર્ષ 2021-22માં રાજ્યનું કુલ વીજળી સબસિડી બિલ 10,668 કરોડ રૂપિયા હતું. તેમાંથી 7,180 કરોડ રૂપિયા ખેડૂતોને અને 1,627 કરોડ રૂપિયા એસસી, ઓબીસી અને બીપીએલ પરિવારોને સબસિડી તરીકે આપવામાં આવ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.