રાજકોટમાંથી કાપડમાં વિટળાયેલી હાલતમાં મળી આવ્યું ત્યજી દીધેલ નવજાત બાળક

રાજકોટ(ગુજરાત): કહેવાય છે કે, બાળક તો ભગવાનનું સ્વરૂપ હોય છે. છેલ્લા કેટલાય સમયથી દેશ-દુનિયાના અનેક ખૂણેથી નવજાત બાળકોને ત્યજી દેવાના કિસ્સા સામે આવતા હોય છે. આ દરમિયાન રાજકોટમાંથી એક એવો કિસ્સો સામે આવ્યો છે જે જોતા તો એમ જ લાગે છે માનવતા ખરેખર મરી પરવારી છે.

જેમાં દુર્ભાગ્યપૂર્ણ બાબત એ છે કે, આ પ્રકારના નવજાતને તરછોડી દેવાના કિસ્સામાં નવજાત બાળકનું મોટાભાગે મોત નીપજતું હોય છે. પરંતુ, રાજકોટના કિસ્સામાં નવજાત માટે જ્યાં પોતાના જ માં-બાપ યમરાજ બનીને છોડી ગયા ત્યાં 108 અને સ્થાનિક લોકો વરદાન બનીને આવ્યા.

મળતી માહિતી મુજબ, રાજકોટના પડધરી ખાતે ત્યજી દિધેલું નવજાત બાળક મળી આવ્યું હતું. બાળકને તેની નાળ સાથે કપડામાં વીંટી ધૂળ નાખી તરછોડી દેવામાં આવ્યું હતું. ગામના આગેવાનો દાવર 108ને જાણ કરતા બાળકને સારવાર આપવામાં આવી હોવાનું સામે આવ્યું છે.