અફીણની તસ્કરી કરવા તસ્કરોએ એવો કીમિયો અપનાવ્યો કે, પોલીસ પણ રોડે ચડી- જુઓ કેવી રીતે ફૂટ્યો ભાંડો

બેતુલ-નાગપુર નેશનલ હાઈવે(Betul-Nagpur National Highway) 47 પર મિલનપુર ટોલ પ્લાઝા(Milanpur Toll Plaza) પાસે સંયુક્ત કાર્યવાહી કરીને, એટીએસ અને બેતુલ પોલીસે ટ્રકમાં સાત કિલો અફીણની હેરાફેરી કરતા બે આરોપીઓની ધરપકડ કરી હતી. બંનેની પૂછપરછ કરવામાં આવી રહી છે, ત્યારબાદ પોલીસ સમગ્ર મામલાનો ખુલાસો કરશે.

પ્રાપ્ત માહિતી અનુસાર, અફીણની દાણચોરીની બાતમીના આધારે એટીએસ ઇન્દોરની ટીમ શનિવારે બેતુલ પહોંચી હતી અને બેતુલ બજાર પોલીસ સ્ટેશન વિસ્તારના મિલનપુર ટોલ પ્લાઝા પાસે સાંજે ટ્રક નંબર DL 1G-B 7203નો પીછો કર્યો હતો. જ્યારે ટ્રકની તલાશી લેવામાં આવી ત્યારે તે ખાલી હતો. ત્યારબાદ તેની કેબિનમાં તલાશી લેતા ડોલની અંદર રાખેલ સાત કિલો અફીણ મળી આવ્યું હતું. આ દરમિયાન ડ્રાઈવર અને તેની સાથે રહેલા અન્ય યુવકને કસ્ટડીમાં લેવામાં આવ્યા હતા.

પોલીસના જણાવ્યા અનુસાર, એટીએસ ઈન્દોરને બાતમીદાર પાસેથી માહિતી મળી હતી કે ટ્રકમાં અફીણ આસામથી મંદસૌર લઈ જવામાં આવી રહ્યું છે. જેના આધારે કાર્યવાહી કરવામાં આવી હતી. પ્રાથમિક પૂછપરછમાં જાણવા મળ્યું છે કે અફીણના દાણચોરો ટ્રક ખાલી કરીને લઈ જાય છે, જેથી પોલીસને શંકા ન જાય. બેતુલબજાર પોલીસ સ્ટેશનના પ્રભારી એબી મર્સકોલે જણાવ્યું કે ATSની ટીમ ચોક્કસપણે આવી હતી, પરંતુ ઘટનાસ્થળે પહોંચ્યા બાદ બેતુલ પોલીસે કાર્યવાહી કરી હતી. આરોપીઓની પૂછપરછ કરવામાં આવી રહી છે. આ પછી, કેસની સંપૂર્ણ વિગતો આપવામાં આવશે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.