November 28, 2024
જમ્મુ-કાશ્મીર(Jammu-Kashmir)માં ફરી એકવાર આતંકવાદીઓ(Terrorists)નું કાયરતાપૂર્ણ કૃત્ય સામે આવ્યું છે. કુલગામ(Kulgam) જિલ્લાના ગોપાલપોરા(Gopalpora) વિસ્તારમાં એક હાઈસ્કૂલની હિંદુ મહિલા શિક્ષિકા પર આતંકવાદીઓએ હુમલો કર્યો હતો. ગોળી વાગતાં મહિલા શિક્ષિકા ગંભીર રીતે ઘાયલ થઈ હતી. ઈજાગ્રસ્તને હોસ્પિટલ લઈ જવામાં આવ્યા, પરંતુ રસ્તામાં જ તેનું મોત થયું હતું.
માહિતી મળતાની સાથે જ પોલીસ અને સુરક્ષા દળો ઘટનાસ્થળે પહોંચી ગયા હતા અને વિસ્તારને કોર્ડન કરી લીધો હતો. આતંકીની શોધ ચાલુ છે. પોલીસ પાસેથી મળેલી માહિતી મુજબ, મંગળવારે કુલગામના ગોપાલપોરા વિસ્તારમાં આતંકવાદીઓએ એક શિક્ષક પર ગોળીબાર કર્યો હતો.
શિક્ષકની ઓળખ રજનીની પત્ની રાજ કુમાર તરીકે થઈ છે. તે જમ્મુ વિભાગના સાંબા જિલ્લાની રહેવાસી હતી. પોલીસનું કહેવું છે કે આ જઘન્ય આતંકવાદી ગુનામાં સંડોવાયેલા આતંકવાદીઓને ટૂંક સમયમાં ઓળખી કાઢવામાં આવશે અને તેમને મારી નાખવામાં આવશે.
Trending News
ઓમર અબ્દુલ્લાએ શિક્ષકની હત્યા પર દુઃખ વ્યક્ત કર્યું, સરકારને ઘેરી:
પૂર્વ મુખ્યમંત્રી અને નેશનલ કોન્ફરન્સના નેતા ઓમર અબ્દુલ્લાએ શિક્ષકની હત્યા પર શોક વ્યક્ત કર્યો હતો. ઓમર અબ્દુલ્લાએ પોતાના ટ્વિટર હેન્ડલ પર લખ્યું, ‘ખૂબ દુઃખદ. નિર્દોષ નાગરિકો પરના તાજેતરના હુમલાઓની લાંબી યાદીમાં આ બીજી ટાર્ગેટ કિલિંગ છે. નિંદા અને શોકના શબ્દો પોકળ બની રહ્યા છે. સરકાર તરફથી માત્ર આશ્વાસન છે કે જ્યાં સુધી સ્થિતિ સામાન્ય નહીં થાય ત્યાં સુધી અમે શાંતિથી નહિ બેસીએ.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.