ધોરણ 12 બોર્ડની પરિક્ષા આપી ઘરે જઈ રહેલા બે વિદ્યાર્થીઓના ચોંકાવનારા મોત, જાણો વિગતે

હાલમાં ધોરણ 10 અને 12ની બોર્ડની પરીક્ષા ચાલી રહી છે. ત્યારે  વિદ્યાર્થીઓ પરીક્ષામાં બાઇક લઈને જતા હોય છે. ત્યારે વિદ્યાર્થીઓનો અકસ્માત થવાના કિસ્સાઓ સામે આવે છે. ત્યારે ગોંડલથી બોર્ડની પરીક્ષા આપીને બાઇક પર આવતા બે વિદ્યાર્થીના અકસ્માતની ઘટના સામે આવી છે. આ ઘટનામાં બંને વિદ્યાર્થીઓને ગંભીર ઈજાઓ થતા તેમનું હોસ્પિટલમાં સારવાર દરમિયાન મોત નીપજ્યું હતું.

મળતી માહિતી પ્રમાણે, ગોંડલના મોટા દળવા ગામમાં રહેતા અભય પરમાર અને હિરેન વેકરીયા નામના બંને વિદ્યાર્થીઓ ધોરણ 12 બોર્ડની પરીક્ષા આપવા માટે બાઇક લઈને ગયા હતા. બન્ને જ્યારે પરીક્ષા આપીને સાંજના સમયે ગોંડલથી દળવા આવી રહ્યા હતા ત્યારે રસ્તામાં બંને વિદ્યાર્થીની બાઇકને અજાણ્યા વાહને ટક્કર મારી હતી. અજાણ્યા વાહનની ટકકરે બંને વિદ્યાર્થીઓ ફંગોળાયા હોવાના કારણે બંનેને ગંભીર ઈજાઓ થવા પામી હતી.