મણિપુરમાં મતદાનના દિવસે ફાટી નીકળી હિંસા; મતદાન મથક પર ફાયરિંગ થયું અને તોડી નાખ્યું EVM- જુઓ વિડીયો

Manipur Lok Sabha Election: લોકસભા ચૂંટણી 2024ના પ્રથમ તબક્કાના મતદાન દરમિયાન મણિપુરમાં એક મતદાન કેન્દ્ર પર ફાયરિંગ થયું હતું જેમાં 3 લોકો ઘાયલ થયા હતા. આ ઘટના બિષ્ણુપુર જિલ્લાના થમનપોકપી સેન્ટરમાં બની હતી.તમને જણાવી દઈએ કે બીજા તબક્કામાં આઉટર મણિપુરના હિંસા(Manipur Lok Sabha Election ) પ્રભાવિત વિસ્તારોના કેટલાક બૂથ પર 26 એપ્રિલે પણ મતદાન થશે.

મણિપુરમાં સવારે 9 વાગ્યા સુધી 12.6%થી વધુ મતદાન
જાતિ હિંસાગ્રસ્ત મણિપુરની બે લોકસભા બેઠકો માટે શુક્રવારે સવારે 9 વાગ્યા સુધી 15.44 લાખથી વધુ મતદારોમાંથી લગભગ 12.6% લોકોએ તેમના મતાધિકારનો ઉપયોગ કર્યો હતો. અંદરની મણિપુર સીટ પર મતદાનના પ્રથમ બે કલાકમાં 13.82% મતદાન નોંધાયું હતું. જ્યારે આઉટર મણિપુરમાં 11.57% મતદાન થયું હતું.

વોટિંગ દરમિયાન મણિપુરના બિષ્ણુપુરમાં ગોળીબાર
પીએમ મોદીએ વોટિંગ પહેલા વોટ આપવાની અપીલ કરી હતી. તેમણે હિન્દી, તમિળ, મરાઠી સહિત 5 ભાષાઓમાં ટ્વીટ કર્યું.વોટર ટર્નઆઉટ એપ મુજબ બપોરે 1 વાગ્યા સુધી ત્રિપુરામાં સૌથી વધુ મતદાન થયું હતું. અહીં 53.04% મતદાન થયું હતું.

સૌથી ઓછું મતદાન લક્ષદ્વીપમાં થયું હતું, જ્યાં 30% મતદાન થયું હતું. 21 રાજ્યોમાં સરેરાશ 25% મતદાન થયું છે.વોટિંગ દરમિયાન મણિપુરના બિષ્ણુપુરમાં ગોળીબાર, બંગાળના કૂચબિહારમાં હિંસા અને છત્તીસગઢના બિજાપુરમાં ગ્રેનેડ બ્લાસ્ટ થયો હતો.