માં-બાપ વગરની 12 વર્ષની સગીરાનું 3 નરાધનોએ અપહરણ કર્યું અને ગોંડલ લઈ જઈને કર્યું એવું કે.., જાણીને રુંવાડા ઉભા થઈ જશે 

હાલમાં સોશિયલ મીડિયાનો ક્રેઝ દિવસેને દિવસે વધી રહ્યો છે. સોશિયલ મીડિયાનો ઉપયોગ થવાને બદલે દુરુપયોગ થાય છે. સોશિયલ મીડિયાના દુરુપયોગથી અનેકની જિંદગી અને આબરૂ સાથે રમત રમાય જતી હોય છે. આવો જ એક કિસ્સો ગોંડલના મોવિયા ગામમાંથી સામે આવ્યો છે. જાણવા મળ્યું છે કે, સોશિયલ મીડિયાના માધ્યમથી ગોંડલ તાલુકાના મોવિયા ગામની માત્ર બાર વર્ષની સગીરાના સંપર્કમાં આવેલો શખ્સ અન્ય બે શખ્સની મદદથી અપહરણ કરી ગોંડલ લઈ ગયો હતો.

અહીં એક હવસખોરે દુષ્કર્મ આચર્યું હતું અને બીજાએ અડપલાં કર્યાં હતાં. આ અંગેની પોલીસ ફરિયાદ ગોંડલ પોલીસમાં નોંધાઇ હોવાનું જાણવા મળ્યું છે. દુષ્કર્મ આચરનાર શખ્સના સાથીદારે સગીરા સાથે અડપલાં કરી હેવાનિયતની હદ વટાવી હતી. મળતી માહિતી મુજબ, ગોંડલ તાલુકાના મોવિયા ગામે રહેતી માતા-પિતાની છત્રછાયા વગરની સગીરા સોશિયલ મીડિયાના માધ્યમથી ગોંડલનો વિરાજ ઉર્ફે વિરુ પરેશભાઈ ગોસ્વામી સંપર્કમાં આવી હતી.

આ દરમિયાન તેના બે મિત્રો અક્ષય કિશોરભાઈ સોલંકી અને અવિ મુકેશભાઈ સોલંકીએ તેનું અપહરણ કર્યું હતું. ત્યારબાદ વિરાજે માત્ર બાર વર્ષની સગીરા પર દુષ્કર્મ આચરી હેવાનિયતની હદ વટાવી દીધી હતી. હેવાનિયત આટલેથી અટકતી ન હોય તેમ અક્ષય સોલંકીએ પણ સગીરા સાથે અડપલાં કર્યા હતા. આ ઉપરાંત અવિ સોલંકીએ અપહરણ કરવામાં પોતાની કારનો ઉપયોગ કર્યો હોવાનું સામે આવ્યું છે.

આ અંગે ફરિયાદ બાદ પોલીસ દ્વારા આરોપીઓ વિરુદ્ધ IPCની કલમ 363, 366, 376, 354 (A), 114, પોક્સો કલમ 4, 8, 17 મુજબ ગુનો નોંધી પીએસઆઇ એમ.જે. પરમાર આરોપીઓને ઝડપવા તપાસનાં ચક્રો ગતિમાન કરવામાં આવ્યા છે. આ ઉપરાંત જાણવા મળ્યું છે કે, આરોપી વિરાજ ગોસ્વામી ગોંડલ પાંજરાપોળ પાસે મહાકાળી પાન નામે દુકાન ચલાવે છે. અવિ સોલંકી ગોંડલ ચોરડી દરવાજા પાસે સહકાર પાન નામની દુકાન ચલાવે છે. અને અક્ષય એફ.વાય.બી.કોમનો અભ્યાસ કરી રહ્યો છે.