માસ્કને બદલે મોઢા પર સાપ લપેટીને જાહેરમાં ફરી રહ્યો છે આ વ્યક્તિ…

સમગ્ર વિશ્વમાં કોરોનાની મહામારી ચાલી રહી છે. કોરોના વાયરસથી બચવા માટે દેશ-વિદેશના લોકો બચાવની જુઈ-જુદી રીતો અપનાવી રહ્યા છે. તમામ દેશમાં કોરોનાથી બચવા માટે પોતાના નિયમો બનાવી લીધા છે. જેનું કડકપણે પાલન કરવું ખુબ જ જરૂરી છે. કોરોનાનાં સમયમાં ફેસ માસ્ક ફેશન સ્ટેટમેન્ટની રીતે ઉભરીને આવી રહ્યા છે. જો કે, ફેસ માસ્કની સાથે સંબંધિત એક આવો વીડિયો સામે આવી રહ્યો છે. જેને જોઈને આપ આશ્ચર્યચકિત થઈ જશો.

માસ્કને બદલે લપેટ્યો છે સાપ :
ઈંગ્લેન્ડની સરકાર દ્વારા કોરોનાથી બચવા માટે માસ્ક પહેરવું ફરજીયાત કરી દેવામાં આવ્યું છે. જો કોઈ માસ્ક વિના જોવાં મળે છે તો એની વિરૂદ્ધ દંડ તેમજ કાર્યવાહી કરવામાં આવે છે. આ બધાની વચ્ચે માનચેસ્ટરમાં એક એવો વ્યક્તિ પણ છે કે, જે માસ્કને બદલે ગળામાં સાંપ લપેટીને બસમાં મુસાફરી કરી રહ્યો હતો.

Man on bus in Manchester wearing snake as a face covering ? pic.twitter.com/w6UJznKH1w

— Chris Chambers (@CapitalChambo) September 15, 2020

તમામ લોકોને લાગ્યું કે આ માસ્ક છે :
આ ઘટનાનો વીડિયો સોશિયલ મીડિયા પર ખૂબ જ વાયરલ રહ્યો છે. વીડિયોમાં ગળામાં લપેટાયેલ આ સાપને કોઈ બ્રાન્ડેડ ક્લોધિંગ સ્ટોલ જેવો જણાઈ રહ્યો છે તેમજ નજીક બેઠેલા લોકોને ખબર પણ ન પડી કે એમની પાસે બેઠેલ વ્યક્તિ માસ્ક નહીં પણ સાપ લપેટીને બેઠો છે. લોકોને આ વાતની જાણ ત્યારે થઈ કે જ્યારે એ વ્યક્તિના ગળામાંથી સાપ ખસતો ખસતો હાથ પર જતો રહ્યો.