બબ્બે મુખ્યમંત્રીને અંધારામાં રાખી કેપ્ટન અજય ચૌહાણે સરકારનું કરોડોનું કરી નાખ્યું- મોદી પ્રધાનમંત્રી બન્યા ને આ ભાઈએ શરુ કરી કાંડલીલા

અજય ચૌહાણ(Ajay Chauhan): ગુજરાતના મુખ્યમંત્રીની મંજૂરી વગર છેલ્લા નવ વર્ષમાં 100 વખત સરકારના વિમાન અને હેલિકોપ્ટરનો ઉપયોગ કરી કરોડો રૂપિયાનો ખર્ચ ગુજસેલના સીઈઓ કેપ્ટન અજય ચૌહાણે સરકારી ચોપડે દર્શાવી દીધો છે. આ ઘટનાના પગલે કેપ્ટન અજય ચૌહાણ પાસેથી તમામ ચાર્જ છીનવી લેવામાં આવ્યા છે. હાલ આ ચાર્જ આઈએએસ નીતિન સાંગવાનને સોંપાવામાં આવ્યો છે.

પોતાના ઉપયોગ માટે સરકારી વાહનનો ઉપયોગ કરતા હોવાની માહિતીને આધારે તપાસ કરતાં ફરિયાદમાં હકીકત જણાઈ છે. તપાસ કરવી વખતે સામે આવ્યું હતું કે, કેપ્ટન અજય ચૌહાણ પોતાનાં પરિવારના સભ્યોને ફરવા લઈ જવા માટે રાજ્યપાલ અને સી એમ માટે વપરાતા સરકારી જેટનો ઉપયોગ કરતા હતા.

ખાનગી ન્યૂઝ એજન્સી દ્વારા આ મામલે 26 ટ્રિપની તારીખ અને જગ્યા સાથેના પુરાવા મળી આવ્યા છે. મળેલી માહિતી અને પુરાવા અનુસાર 14 વખત રાજસ્થાનના પાલી વતન જવા માટે સિરોહી, અમદાવાદથી મુુંબઇ વિદેશ જવા માટે ડ્રોપ કર્યા હતા, આબુ રોડ, જયપુર, સિરોહી મિત્રોને મળવા, ડુંગરપુર આવી રીતે હેલિકોપ્ટરનો ઉપયોગ આઠ વખત કર્યો હતો. કેવડિયા, બરોડા, ફાલનાની પર્સનલ ટ્રીપ અને ગાંધીનગર થી પૂના પરિવારને મળવા માટે પણ ઉપયોગ કરવામાં આવ્યો હતો.