બેંક ના કામ જલ્દી પતાવી લેજો ,આ મહિના ના અંત માં સતત ૫ દિવસ બેંક રેહશે બંધ..

જો બેંક સાથે જોડાયેલું તમારું કોઈ પણ કામ પેન્ડિંગ હોય તો તે આજે જ પતાવી લેજો કારણ કે આ મહિનાના અંતમાં બેંક સેવાઓ સતત 5 દિવસ સુધી બંધ રહી શકે છે. હડતાળ અને રજાને લઈને 26 થી 30 સપ્ટેમ્બર સુધી બેંકને લગતા કામકાજને અસર પડવાની શક્યતા છે. બેંક કર્મચારીઓના 4 યૂનિયનોએ જાહેર ક્ષેત્રની 10 બેંકોના વિલિનિકરણની જાહેરાતના વિરોધમાં 26 સપ્ટેમ્બરથી 2 દિવસની હડતાળ બોલાવવામાં આવી છે અને તે બાદ તરત જ શનિવાર અને રવિવાર આવે છે.

આ સિવાય 30 સપ્ટેમ્બરે હાફ યર્લી ક્લોઝિંગ છે તેવામાં 30 સપ્ટેમ્બરના રોજ પબ્લિક ડીલીંગ ખૂબ ઓછી કે અમુક જગ્યાએ નહીવત્ થશે. તે પછી 1 ઓક્ટોબરને બાદ કરતા 2 ઓક્ટોબરે ગાંધી જયંતી હોવાના કારણે બેંક બંધ રહેશે. બેંક કર્મચારીઓની 4 યૂનિયનો પબ્લિક સેક્ટરના 10 બેંકોના વિલિનિકરણની જાહેરાતના વિરોધમાં 25 સપ્ટેમ્બરની મધ્યરાત્રીથી 2 દિવસની હડતાળ બોલાવી છે. સાથે જ યૂનિયનોએ બેંકોના વિલિનિકરણની આ યોજના વિરુદ્ધ નવેમ્બરના બીજા સપ્તાહથી અનિશ્ચિતકાળની હડતાળ પર જવાની ચિમકી આપી છે.