ભાજપ નેતૃત્વવાળી સુરત મહાનગર પાલિકા બન્યું કૌભાંડોનું કારખાનું – એક પછી એક અધધધ… આટલા બધા કૌભાંડ આવ્યા સામે

ગુજરાતમાંથી અવાર-નવાર કોઈને કોઈ મોટા-મોટા કૌભાંડ સામે આવતા રહે છે ત્યારે આજે ફરી એક વખત આવું જ એક કૌભાંડ સુરતમાંથી સામે આવ્યું છે. આં પહેલા પણ સુરતમાંથી ખીચડી કૌભાંડ સામે આવ્યું હતું. હજુ તો આ ખીચડી કૌભાંડ પૂરું થયું નથી ત્યાં તો 4 કરોડનું કૂતરા કૌભાંડ સામે આવ્યું છે.

સુરતમાં જ્યારથી જગદીશ પટેલ નગર પાલિકાના મેયર બન્યા છે ત્યારથી સુરત મહાનગરપાલિકા સતત વિવાદમાં આવી રહ્યું છે એટલું જ નગરપાલિકાના અધિકારીઓ દ્વારા જનતા સાથે કરવામાં આવતું વર્તન પણ સતત ચર્ચનું કારણ બન્યું છે જેને લઇને નગરજનોમાં મેયર અને ભાજપ શાસિત પાલિકા સામે ભારે આક્રોશ જોવા મળી રહ્યો છે.

હાલમાં સોશ્યલ મીડિયામાં જોવા મળી રહ્યો આક્રોશ
સુરતના મેયર જગદીશ પટેલના નેતૃત્વમાં પાલિકા કૌભાંડોની હારમાળા…….ભ્રષ્ટાચાર એ જ વિકાસ? 35 કરોડનું ખીચડી કૌભાંડ, 8 કરોડનું સ્મશાન કૌભાંડ, 10 કરોડનું પતરા કૌભાંડ, 2 કરોડનું કચરાપેટી કૌભાંડ, 5 કરોડનું ઈન્જેક્શન કૌભાંડ, 15 લાખનું આઈફોન કૌભાંડ અને 10 કરોડના અનાજ કૌભાંડ બાદ સુરત મ્યુનિસિપલ ચોર્પોરેશનનું નવું નજરાણું 4 કરોડનું કૂતરા કૌભાંડ પણ સામે આવ્યું છે. આ સિવાય પણ મેયર જગદીશ પટેલના શાસનમાં અન્ય નાના મોટા કૌભાંડ થયા છે.

અત્રે ઉલેખનીય છે કે, 2 દિવસ પહેલા જ સોશિયલ મીડિયામાં વાયરલ થયેલા એક વીડિયોમાં 15 વર્ષના નાનકડા બાળકને પાલિકાના અસંવેદનશીલ અધિકારીઓએ 400 રૂપિયાનો દંડ ફટકારીને સંવેદનાહિન સરકારનો અહેસાસ કરાવી દીધો હતો. ત્યારે સુરતમાં હવે આગામી સમયમાં પાલિકાની ચૂંટણીમાં આમ આદમી પાર્ટીનું પલ્લું ખૂબ જ ભારે બનતું જાય છે જેને લઇને રૂપાણી સરકાર ના પાયા પણ હવે ડગમગવા લાગ્યા છે. સુરત મહાનગરપાલિકાએ ભાજપ શાસિત છે પરંતુ આ મહાનગરપાલિકાએ ભ્રષ્ટાચારને લઇને ભાજપને બદનામ કરવામાં કંઈ જ બાકી રાખ્યું નથી જેમાં મેયર જગદીશ પટેલ એના મુખ્ય કેન્દ્રબિંદુ માં રહ્યા છે.