November 18, 2024
Ahmedabad Accident News: ગુજરાતમાં દારૂબાંધી માત્ર ચોપડાઓ પુરતી જ છે. તેનું એક માત્ર ઉદારહણ અમદાવાદના માણેકબાગના અકસ્માતમાં સાબિતી થયા છે.BMW કારચાલક(Ahmedabad Accident News) કમલેશ બિશ્નોઈએ અગાઉ અપાયેલા ત્રણ મેમોમાંથી એક પણ મેમો ભર્યા નથી.ટ્રાફિક નિયમોના ભંગ બદલ ત્રણ મેમો અપાયા છે.
તેણે હજુ સુધી વર્ષ 2017, 2018 અને 2020માં અપાયેલા મેમો ભરવાના બાકી હોવાનું સામે આવ્યું છે. મહત્વનું છે કે નશામાં ધૂત કમલેશ બિશ્નોઈએ ગઈકાલે રાત્રે સર્પાકાર રીતે BMW કાર ચલાવીને અકસ્માત સર્જ્યો હતો.
Trending News
કમલેશ બિશ્નોઈને અપાયા છે ત્રણ મેમો
અમદાવાદના માણેકબાગ અકસ્માતના આરોપી કમલેશ બિશ્નોઈને પાર્કિંગ, ફેન્સી નંબર પ્લેટ અને રેડ લાઈટના ભંગને લઈને ત્રણ મેમો અપાયા છે. કમલેશ બિશ્નોઈને અપાયેલા 3 માંથી એક પણ મેમો ભરવામાં આવ્યા નથી. વર્ષ 2017, 2018 અને 2020માં અપાયેલા મેમો હજુ પણ ભરવાના બાકી છે.
શું બની હતી ઘટના?
અમદાવાદ શહેરમાં અકસ્માતોનો સિલસિલો યથાવત્ છે. શહેરના માણેકબાગ નજીક ગઈકાલે રાત્રે નશામાં ધૂત નબીરાએ BMW કારથી અકસ્માત સર્જીને સરકારી મિલકતને નુકશાન પહોંચાડ્યું હતું તેવી માહિતી મળી રહી છે. જોકે, સદનસીબે આ દુર્ઘટનામાં કોઈ જાનહાની તો થઈ નહોતી. ગઈ રાત્રે 1 વાગ્યાની આસપાસ BMW કારના ચાલકે કારને માણેકબાગ નજીક અથડાવી હતી. ચાલકે ગઈકાલે રાત્રે GJ 01 KA 6566 નંબરની કાર આડેધડ ચલાવીને ફૂટપાથ સાથે અથડાવી દીધી હતી.
સેટેલાઇટ પોલીસે કરી ધરપકડ
અકસ્માત સર્જીને કાર ચાલકે કાર જજીસ બંગલાથી લઈને માણેકબાગ સુધી બેફામ દોડાવી રહ્યો હતી. જે બાદ સેટેલાઈટ પોલીસે ફિલ્મોની જેમ તેનો પીછો કરી માણેકબાગથી તેને ઝડપી પાડ્યો હતો. પોલીસે તપાસ કરતા ચાલક કમલેશ બિશ્નોઈ દારૂ પીધેલો હોવાનું સામે આવ્યું હતું. જે બાદ BMW કારના ચાલકની સેટેલાઇટ પોલીસે ધરપકડ કરી હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube