GPSCએ વર્ષ 2024 માટે ભરતી કેલેન્ડર કર્યું જાહેર, 1625 જગ્યાઓ પર થશે ભરતી- જુઓ આખું લિસ્ટ

GPSC 2024 Recruitment Calendar: ગુજરાત પબ્લિક સર્વિસ કમિશન (GPSC 2024 Recruitment Calendar) 2024નું ભરતી કેલેન્ડર આજે જાહેર કર્યું છે. વર્ષ 2024 માટે GPSC વિવિધ 82 કેડરમાં 1625 જગ્યા પર ભરતીની જાહેરાત કરી છે. જેમાં વર્ગ-1,2ની ભરતી માટે 164 જેટલી જગ્યા જાહેર કરવામાં આવી છે. આ પહેલા વર્ષ 2023માં વર્ગ-1,2ની 100 જગ્યા, 2022માં પણ 100 જગ્યા પર ભરતી જાહેર કરાઇ હતી. પરંતુ આ વર્ષે વર્ગ-1,2ની જગ્યાઓમાં વધારો થવાનો અંદાજ છે. આજે સરકાર તરફથી ભરતી માટે અંતિમ મંજૂરી બાદ આયોગ નવા વર્ષ માટેનું કેલેન્ડર જાહેર કરવામાં આવ્યું છે.

ગૌણ સેવા પસંદગી મંડળની 5,200 જગ્યા પર ભરતી
ઉલ્લેખનીય છે કે, ગૌણ સેવા પસંદગી મંડળે 4,300 પોસ્ટ પર ભરતીની જાહેરાત કરી હતી. જોકે, તેમાં વધારો કરી 5,200 જગ્યા પર હવે ભરતી કરવામાં આવશે. જુનિયર ક્લાર્ક સંવર્ગની જગ્યાઓમાં 898 વધારો કરવામાં આવ્યો છે. આ સિવાય હેડ ક્લાર્ક, ઓફિસ આસિસ્ટન્ટ સિનિયર ક્લાર્ક સહિત આશરે 22 કેડરમાં ભરતી થવાની છે. મહત્વનું છે કે, લોકસભાની ચૂંટણી યોજાવાની છે તે અગાઉ સરકાર દ્વારા ભરતીની જાહેરાત કરવામાં આવી છે.