ભાજપ નેતાએ ભાંગરો વાટ્યો- કહ્યું કે, ભાજપ કાર્યાલયમાં ચોકીદારી માટે હું અગ્નિવીરને પ્રાથમિકતા આપીશ

અગ્નિપથ યોજના(Agneepath Scheme)નો સતત વિરોધ થઈ રહ્યો છે. ઘણી જગ્યાએ હિંસક દેખાવો પણ થયા છે. આ દરમિયાન ભાજપ(BJP) નેતા કૈલાશ વિજયવર્ગીય(Kailash Vijayvargiya)નું એક નિવેદન આવ્યું છે, જે ખૂબ વાયરલ થઈ રહ્યું છે. આ વિવાદિત નિવેદન સામે વાંધો પણ ઉઠાવવામાં આવી રહ્યો છે. અગ્નિપથ યોજનાના ફાયદા વિશે જણાવતા વિજયવર્ગીયએ કહ્યું ,કે જો ભાજપના કાર્યાલયમાં સુરક્ષા જાળવવી હશે તો હું અગ્નિવીર(Agniveer)ને પ્રાથમિકતા આપીશ.

जिस महान सेना की वीर गाथाएँ कह सकने में समूचा शब्दकोश असमर्थ हो, जिनके पराक्रम का डंका समस्त विश्व में गुंजायमान हो, उस भारतीय सैनिक को किसी राजनीतिक दफ़्तर की ‘चौकीदारी’ करने का न्यौता, उसे देने वाले को ही मुबारक।

भारतीय सेना माँ भारती की सेवा का माध्यम है, महज एक ‘नौकरी’ नहीं। pic.twitter.com/Ehq0rwx0zV

— Varun Gandhi (@varungandhi80) June 19, 2022

બીજેપી સાંસદ વરુણ ગાંધીએ આ નિવેદનનો પલટવાર કરતા કહ્યું ,કે જે મહાન સૈન્યની શૌર્યગાથા આખી ડિક્શનરી કહી શકતી નથી, જેની બહાદુરી આખી દુનિયામાં ગુંજી રહી છે, તે ભારતીય સૈનિક કોઈપણ રાજકીય કાર્યાલયનો ‘ચોકીદારી’ હોવો જોઈએ? ભારતીય સેના એ ભારત માતાની સેવાનું માધ્યમ છે, માત્ર ‘નોકરી’ નથી.

એક તરફ એવા વિદ્યાર્થીઓ છે કે તેઓ સહમત નથી, તો બીજી તરફ સરકાર નારાજ વિદ્યાર્થીઓ અને યુવાનોને મનાવવાના તમામ પ્રયાસો કરી રહી છે. આ જ મોટું કારણ છે કે માત્ર 2 દિવસમાં 5 મંત્રાલયોએ ચાર વર્ષ પછી અગ્નિવીરોની નોકરી અંગે એક પછી એક નિર્ણયો લીધા.