May 18, 2024
ખેડૂતોના આંદોલન(Farmer protest)ને એક વર્ષ પૂર્ણ થવા પર ખેડૂતોની મહાપંચાયત(Farmer Mahapanchayat)નો પ્રારંભ થયો છે. જેની શરૂઆત રાષ્ટ્રગીતથી થઈ હતી. આ પ્રસંગે રાકેશ ટિકૈત(Rakesh Tikait), યોગેન્દ્ર યાદવ અને અન્ય ખેડૂત આગેવાનો હાજર છે. તે જ સમયે ગાઝીપુર કિસાન આંદોલન સમિતિના પ્રવક્તા જગતાર સિંહ બાજવાએ ખેડૂતોને મહાપંચાયતની વ્યવસ્થા વિશે માહિતી આપી.
Farmers in large numbers gathered at the Singhu border to observe the first anniversary of protest against the three farm laws pic.twitter.com/gDBjr2VLgN
— ANI (@ANI) November 26, 2021
સિંઘુ બોર્ડર પર ધીમે ધીમે એકઠા થઇ રહ્યા છે ખેડૂતો:
ખેડૂતોના આંદોલનને એક વર્ષ પૂર્ણ થવા પર મોટી સંખ્યામાં ખેડૂતો સિંઘુ બોર્ડર પર પહોંચી રહ્યા છે. અહીં આંદોલનની પ્રથમ વર્ષગાંઠની ઉજવણી કરવામાં આવી રહી છે.
યુપી ગેટ પર કડક સુરક્ષા વ્યવસ્થા:
યુપી ગેટ પર કિસાન આંદોલન સ્થળ પર મહાપંચાયત માટે PACની 5 બટાલિયન, સિવિલ પોલીસના 250 કર્મચારીઓ, LIU, ગુપ્તચર અને મહિલા પોલીસકર્મીઓ તૈનાત કરવામાં આવ્યા છે. એસપી સિટી સેકન્ડ જ્ઞાનેન્દ્ર સિંહનું કહેવું છે કે, ખેડૂતોના આંદોલનને લઈને સંપૂર્ણ સુરક્ષા વ્યવસ્થા હાથ ધરવામાં આવી છે. શકમંદો પર નજર રાખવા માટે સિવિલ ડ્રેસમાં પોલીસ જવાનોને પણ તૈનાત કરવામાં આવ્યા છે.
Trending News
દિલ્હી-મેરઠ પર બેરિકેડિંગ મજબૂત:
દિલ્હી-મેરઠ એક્સપ્રેસ વે પર દિલ્હી પોલીસ દ્વારા બેરિકેડિંગ મજબૂત કરવામાં આવ્યું છે. તે જ સમયે દિલ્હી પોલીસ દ્વારા બેરિકેડિંગની નજીક ચેતવણી પોસ્ટર લગાવવામાં આવ્યા છે, જેમાં કહેવામાં આવ્યું છે કે અહિયાં કોઈ પ્રદર્શનકારીઓએ ભેગું થવું નહિ કારણ કે, કલમ 144 લાગુ કરવામાં આવેલ છે.
પોલીસે દિલ્હીને સીલ કરી દીધું:
ખેડૂતોની સંસદ માર્ચની ઘોષણાને ધ્યાનમાં રાખીને શુક્રવારથી એટલે કે આજથી જ દિલ્હીને સીલ કરી દેવામાં આવ્યું છે. તમામ સરહદો પર સુરક્ષા વધારી દેવામાં આવી છે. બોર્ડર પર તૈનાત પોલીસકર્મીઓને કડક આદેશ આપવામાં આવ્યો છે કે કોઈને પણ ચેકિંગ વગર દિલ્હીમાં પ્રવેશવા દેવામાં ન આવે.
અનેક માર્ગો પર લાંબો ટ્રાફિક જામ:
ખેડૂતોના આંદોલનને એક વર્ષ પૂર્ણ થવા પર, પોલીસે કોઈપણ અનિચ્છનીય ઘટનાઓને ટાળવા માટે દિલ્હી-ગાઝિયાબાદ સરહદ પર સુરક્ષા વ્યવસ્થા વધારી દીધી છે. બેરિકેડીંગની સાથે પોલીસે રસ્તો બ્લોક કરવા માટે ક્રેઈન પણ ગોઠવી છે. માત્ર દિલ્હી-ગાઝિયાબાદ બોર્ડર જ નહીં, અન્ય માર્ગો પર પણ બેરિકેડિંગના કારણે ઘણી જગ્યાએ લાંબો ટ્રાફિક જામ છે.
ખેડૂત આંદોલનને એક વર્ષ પૂર્ણ:
આજે ખેડૂતોના આંદોલનને એક વર્ષ પૂર્ણ થયું છે. આવી સ્થિતિમાં દિલ્હીની તમામ સરહદો પર જ્યાં ખેડૂતો છેલ્લા 12 મહિનાથી વિરોધ પ્રદર્શન કરી રહ્યા છે, ત્યાં પોલીસની કડકાઈ વધી છે, તો ખેડૂતોની ભીડ પણ વધી ગઈ છે. આંદોલનના એક વર્ષ પૂર્ણ થયા બાદ અને ત્રણેય કાયદાઓ પાછા ખેંચવાની પીએમની જાહેરાત બાદ, એસકેએમએ ખેડૂતોને દિલ્હીની સરહદો પર પહોંચીને આંશિક વિજયની ઉજવણી કરવા હાકલ કરી હતી. ગુરુવારે આ અપીલની ભારે અસર જોવા મળી હતી.
દિલ્હી બોર્ડર પર સ્થિતિ એવી હતી કે, કુંડલી-સિંઘુ બોર્ડર પર ખેડૂતો સુધી પહોંચવાની પ્રક્રિયા સવારથી શરૂ થઈ હતી અને મોડી રાત સુધી ચાલુ રહી હતી. દર એક કલાકે 15 ટ્રેક્ટર-ટ્રોલી કુંડલી બોર્ડર પર પહોંચી રહી છે. કાયદો પાછો ખેંચવાની જાહેરાતથી ખેડૂતો ઉત્સાહિત છે, પરંતુ MSP સહિતની પડતર માંગણીઓ ભૂલી શક્યા નથી. તેમની સરકારને આશાભરી અપીલ છે કે, બાકીની માંગણીઓ જલ્દી પૂરી કરવામાં આવે, જેથી કરીને તેઓ ઘરે પરત ફરી શકે.
બોર્ડર પર ફરી બેરીકેડિંગ અને સળિયાઓ મુકવામાં આવી શકે છે:
શુક્રવારે ખેડૂતોના આંદોલનને એક વર્ષ પૂર્ણ થવાના છે અને 29 નવેમ્બરે સંસદ તરફ ખેડૂત કૂચની જાહેરાતને ધ્યાનમાં રાખીને દિલ્હીની ત્રણેય સરહદો પર સુરક્ષા વધારી દેવામાં આવી છે. દિલ્હી પોલીસના વરિષ્ઠ અધિકારીઓ એક્શન મોડમાં આવી ગયા છે અને બેઠકોનો દોર શરૂ થઈ ગયો છે. સંસદ કૂચની ઘોષણાને ધ્યાનમાં રાખીને, દિલ્હી પોલીસ ફરીથી ટિકરી અને ગાઝીપુર સરહદો પર લોખંડની ખીલીઓ અને બેરિકેડ લગાવીને રસ્તાઓ બંધ કરી શકે છે. રસ્તાઓ બંધ કરવાની તૈયારીઓ શરૂ કરી દેવામાં આવી છે. શુક્રવારથી ત્રણેય સરહદો પર સુરક્ષા સઘન કરવામાં આવશે.
યુપી ગેટ પર આજે મહાપંચાયત, પોલીસે દિલ્હી બોર્ડર પર બેરિકેડ લગાવ્યા:
લઘુત્તમ ટેકાના ભાવ અંગે ગેરંટી કાયદો, શેરડીના બાકી ચૂકવણી, વીજળી સુધારા બિલ સહિતના તમામ મુદ્દાઓ પર શુક્રવારે 11 વાગ્યાથી યુપી ગેટ પર ખેડૂતોની મહાપંચાયત થશે. પશ્ચિમ યુપી, ઉત્તરાખંડ અને પંજાબમાંથી મોટી સંખ્યામાં ખેડૂતો આવે તેવી શક્યતા છે. આને ધ્યાનમાં રાખીને, પોલીસે દિલ્હી સરહદ પર ફરીથી સિમેન્ટ અને લોખંડના બેરિકેડ લગાવ્યા છે અને સુરક્ષા દળોને તૈનાત કરવામાં આવ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
