November 26, 2024
પૃથ્વી શૉ (Prithvi Shaw) એ 383 બોલમાં 379 રનની ઇનિંગ રમ્યા બાદ ફરી એકવાર દાવો કર્યો છે કે તે ભારતની જર્સી પહેરવાને લાયક છે. ક્રિકેટની દુનિયા જાણી ગઈ છે કે, પૃથ્વી શૉએ શું પરાક્રમ કર્યા છે. રણજી ટ્રોફીની 2022-23 સીઝન ચાલી રહી છે. વર્ષના બીજા સપ્તાહમાં દેશની સૌથી મોટી ડોમેસ્ટિક ટૂર્નામેન્ટમાં નવો રેકોર્ડ સર્જાયો હતો. મુંબઈની ટીમ તરફથી રમતા પૃથ્વી શૉએ આસામ સામેની ઈનિંગમાં 379 રન બનાવ્યા હતા. આ રીતે તે રણજી ટ્રોફીના ઈતિહાસમાં એક ઈનિંગમાં સૌથી વધુ રન બનાવવાના મામલે બીજા ક્રમે આવી ગયો હતો. આ પહેલા સંજય માંજરેકર 377 રન સાથે બીજા નંબર પર હતો.
થોડા મહિનાઓ પહેલા પૃથ્વી શૉએ તેના ઈન્સ્ટાગ્રામ હેન્ડલ પર એક સ્ટોરી પોસ્ટ કરી હતી, જેમાં લખ્યું હતું કે, “આશા છે કે સાઈ બાબા બધું જોઈ રહ્યા છે.” ભારતીય ટીમમાંથી અવગણના થયા બાદ પૃથ્વી શોએ ભગવાનનો સહારો લીધો હતો. પછી પૃથ્વીનો ન્યાય આવા લોકો દ્વારા પણ કરવામાં આવ્યો, જેઓ તેને ઓળખતા પણ નથી. જ્યારે તેને મિત્રોની સૌથી વધુ જરૂર હતી, ત્યારે તેમાંથી કોઈ પણ તેની સાથે નહોતું.
આ સાથે પૃથ્વી શૉ ભારતીય ફર્સ્ટ ક્લાસ અને રણજીના ઈતિહાસમાં બીજો સૌથી વધુ સ્કોર કરનાર ખેલાડી બની ગયો છે. તેણે સંજય માંજરેકરનો રેકોર્ડ તોડ્યો છે, જેણે 1991માં હૈદરાબાદ (તે સમયે બોમ્બે) માટે હૈદરાબાદ સામે 377 રન બનાવ્યા હતા. જણાવી દઈએ કે ફર્સ્ટ ક્લાસ અને રણજીના ઈતિહાસમાં 400 રન બનાવવાનો રેકોર્ડ માત્ર એક જ વાર બન્યો છે. આ રેકોર્ડ મહારાષ્ટ્રના જ બીબી નિમ્બાલકરે બનાવ્યો હતો. તેણે 1948ની સીઝનમાં મહારાષ્ટ્ર તરફથી રમતી વખતે કાઠિયાવાડ સામે અણનમ 443 રન બનાવ્યા હતા.
Trending News
આ રીતે પૃથ્વી શૉએ ધમાકેદાર ઇનિંગ રમી હતી
પૃથ્વી શૉએ મેચમાં 383 બોલમાં 379 રન બનાવ્યા હતા. આ ઈનિંગમાં આ ઓપનરે 4 સિક્સર અને 49 ફોર ફટકારી હતી. તેનો સ્ટ્રાઈક રેટ પણ 98.96 હતો. તે રમતના પહેલા દિવસે 240 રન બનાવીને અણનમ પરત ફર્યો હતો. જો પૃથ્વી શૉ થોડો વધુ સમય ક્રિઝ પર રહ્યો હોત તો તેણે 400 રનનો રેકોર્ડ પણ બનાવ્યો હોત. મુંબઈની ત્રીજી વિકેટ 598ના સ્કોર પર પડી. આખરે મુંબઈએ 687/4 પર પોતાનો દાવ ડિકલેર કર્યો હતો. કેપ્ટન અજિંક્ય રહાણે 191 રન બનાવીને આઉટ થયો હતો.
રણજી ટ્રોફીમાં સર્વોચ્ચ સ્કોર
1. બીબી નિમ્બાલકર – 443* રન, મહારાષ્ટ્ર – કાઠિયાવાડ સામે (1948)
2. પૃથ્વી શો – 379 રન, મુંબઈ – આસામ સામે (2023)
3. સંજય માંજરેકર – 377 રન, બોમ્બે – હૈદરાબાદ સામે (1991)
4. એમવી શ્રીધર – 366 રન, હૈદરાબાદ – આંધ્ર સામે (1994)
5. વિજય મર્ચન્ટ – 359* રન, બોમ્બે – મહારાષ્ટ્ર સામે (1943)
6. સમિત ગોહેલ – 359* રન, ગુજરાત – ઓડિશા સામે (2016)
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.