ગુજરાતની શરમજનક ઘટના: સગા બાપે જ પોતાની ફૂલ જેવી દીકરીને પીંખી નાંખી અને પછી…

આજકાલ મહિલા છેડતી અથવા દુષ્કર્મના કિસ્સાઓ સતત વધી રહ્યા છે. આ કળયુગી સમયમાં જાણે મહિલાઓ તેમજ બાળકીઓ પોતાના ઘરમાં પણ સુરક્ષિત નથી તેવું લાગી રહ્યું છે. આ દરમિયાન રાજકોટમાંથી એક ખુબ જ શરમજનક કિસ્સો સામે આવ્યો છે. જેમાં એક બાપે જ તેની દીકરીઓને પીંખી નાખી હતી.

જાણવા મળ્યું છે કે, રાજકોટમાં મોચી બજાર પાસે નવા બંધાતા રિધ્ધિ વિનાયક કોમ્પલેક્ષમાં કામ કરતા અને ત્યા જ રહેતા નરાધમ આધડેેે તેની સગીર વયની બે પુત્રી સાથે વારંવાર બળાત્કાર કર્યાની ફરિયાદ નોંધાતા પોલીસ દ્વારા ગુનો નોંધી આરોપીની અટકાયત કરી વિશેષ કાર્યવાહી કરવામાં આવી છે.

આ અંગે પોલીસ સુત્રોના જણાવ્યા મુજબ મૂળ એમ.પી.ની અને હાલ મોચી બજાર નજીક નવા બંધાતા બિલ્ડિંગમાં કામ કરતા પરિવાર સાથે રહેતી સગીરાએ એ ડીવીઝન પોલીસમાં ફરિયાદ નોંધાવી હતી. જેમાં આરોપી તરીકે સાવકા પિતા સોહન કુંજીભાઈ ઠાકોરનું નામ આપ્યું હતું.

આ ફરિયાદમાં તેણે જણાવ્યું કે, તેઓ મૂળ એમ.પી ના અને છેલ્લા 14 વર્ષથી રાજકોટ રહેતા હતા. આ દરમિયાન પિતાના અવસાન બાદ તેની માતાએ સોહન નામના શખ્સ સાથે લગ્ન કર્યા હતા. ત્યારબાદ સાવકા પિતા છેલ્લા ત્રણ વર્ષથી વારંવાર મરજી વિરુદ્ધ બળાત્કાર આચરી કોઈને કહીશ તો મારી નાખીશ તેવી ધમકી આપતો હતો.