સુરતમાં કેબલ બ્રીજ પર બાઈક મૂકી યુવકે બે કાંઠે વહેતી તાપીમાં લગાવી મોતની છલાંગ

સુરત(Surat): આપઘાતની ઘટનાઓ દિવસેને દિવસે વધતી જણાઈ રહી છે. ત્યારે વધુ એક ચકચાર મચાવતી ઘટના સામે આવી છે.  હાલ તો ભારે વરસાદના કારણે તાપી નદી(Tapi river) બે કાંઠે વહી રહી છે. ત્યારે તાપી નદી પરથી પસાર થતાં કેબલ સ્ટેઈડ બ્રિજ(Cable bridge) પરથી એક યુવકે નદીમાં મોતની છલાંગ લગાવી છે.

બ્રિજ પર પોતાનું બાઈક મૂકીને યુવકે તાપી નદીમાં મોતની છલાંગ લગાવી દીધી હતી. સ્થાનિકોએ યુવકના તાપી નદીમાં કુદવા અંગે ફાયરબ્રિગેડને જાણ કરી હતી. જેથી ફાયરબ્રિગેડ દ્વારા હાલ યુવકને શોધવા માટે તપાસ હાથ ધરવામાં આવી છે.

બાઈક બ્રિજ પર મૂકી કુદી ગયો:
મળતી માહિતી અનુસાર, સુરતના અડાજણ વિસ્તારના કેબલ બ્રિજ પરથી યુવકે લગાવી તાપી નદીમાં મોતની છલાગ લગાવી દીધી હતી. યુવક પોતાની હોન્ડા ગાડી (નં. GJ05- GL-2947) બ્રિજ પર મૂકી હતી. ત્યાર બાદ તાપી નદીમાં છલાંગ લગાવી દીધી હતી. આ અંગે હાજર લોકો દ્વારા પોલીસને જાણ કરવામાં આવી હતી. જેથી અડાજણ પોલીસ અને 108ની ટીમ ઘટના સ્થળે પહોંચી ગઈ હતી.