ગૃહ પ્રધાન અમિત શાહનો આજે 55મો જન્મદિવસ, PM મોદીએ શુભેચ્છા પાઠવી

ભારતીય જનતા પાર્ટીના રાષ્ટ્રીય અધ્યક્ષ અને કેન્દ્રીય ગૃહમંત્રી અમિતભાઇ શાહનો મંગળવારે 55મો જન્મદિન છે. જોકે, આ નિમિત્તે તેઓ અમદાવાદ આવવાના નથી, પરંતુ વિવિધ સંસ્થાઓ તેમજ ગાંધીનગર સંસદીય મતવિસ્તારના કાર્યકરો, શુભેચ્છકો દ્વારા અમિતભાઇના જન્મદિન નિમિત્તે વિવિધ કાર્યક્રમો, લોકાર્પણોના આયોજન કરાયા છે.

कर्मठ, अनुभवी, कुशल संगठनकर्ता एवं मंत्रिमंडल में मेरे सहयोगी अमित शाह जी को जन्मदिन की ढेरों शुभकामनाएं। सरकार में बहुमूल्य भूमिका निभाने के साथ ही वे भारत को सशक्त और सुरक्षित करने में भी महत्वपूर्ण योगदान दे रहे हैं। ईश्वर उन्हें दीर्घायु करे और सदा स्वस्थ रखे। @AmitShah

— Narendra Modi (@narendramodi) October 22, 2019

અમદાવાદ ડિસ્ટ્રિક્ટ કો. ઓપરેટિવ બેંકની મંગળવારે 200મી શાખાનું ગોતા ખાતે નાયબ મુખ્યમંત્રી નીતિનભાઇ પટેલની વિશેષ ઉપસ્થિતિમાં કેન્દ્રીય શિપિંગ મંત્રી મનસુખ માંડવીયાના હસ્તે ઉદ્‌ઘાટન થવાનું છે. આ પ્રસંગે અતિથિ વિશેષપદે પ્રદેશ ભાજપ પ્રમુખ જિતુ વાઘાણી, ગૃહ રાજ્યમંત્રી પ્રદીપસિંહ જાડેજા, સહકાર રાજ્યમંત્રી દશરથ પટેલ ઉપસ્થિત રહેશે, તેમ એડીસી બેંકના ચેરમેન અજય પટેલે જણાવ્યું છે. તેમણે ઉમેર્યું કે, રાજ્ય આયોજન પંચના ઉપાધ્યક્ષ નરહરિ અમીન તથા નાબાર્ડના સીએમડી ડી.કે. મિશ્રા પણ ખાસ ઉપસ્થિત રહેવાના છે.

દરમિયાન, ઘાટલોડિયા મતવિસ્તારની તમામ આંગણવાડીઓમાં કાર્યકરો દ્વારા ફળ વિતરણ કરવામાં આવશે. ગાંધીનગર લોકસભા મતવિસ્તારમાં આવતી સરકારી શાળાઓ, બહેરા-મૂંગા શાળાઓ, ઘરડાંઘરોમાં પણ આ નિમિત્તે ‘અમૂલ કૂલ’નું વિતરણ કરાશે.